Bagikeun ka Lapak Facebook

Basa SundaUnak-anikKemis, 12 Juli 2012 19:32

Nganti Peuting Salira Nyampak

Ku Dadan Sutisna

Nu seja kasanggakeun, bisa jadi matak réhé, caria, atanapi naon baé disebatna. Da puguh sajak lain, puisi sanés, sumawonna carita pondok mah. Nanging, ieu mah ladang kutrat-kotrét mangsa bihari, atanapi boa aya nu kénging nyutat ti nu kantos kabaca. Nyanggakeun sabangsaning gerentes keur peuting jempling.

  1. Nganti peuting nu dirungrum ku kaasih, bet cipruk hujan kapeurih, bongan asih katurih ku angin ririh, dina simpé batin ceurik elah-elih.
  1. Citangis langit, geulis, ngeclak na mumunggang damis. Teu kedah inggis ku girimis, mun kagaris titis-tulis, boa jaga papanggihan jeung mamanis.
  1. Di lamping jempling, tong lewang ku peuting anu nangtawing, sabab rasa geus sumanding jeung hariring. Di dieu, jungjunan, urang ngetringan dasaring dangding.
  1. Beurang peuting urang teu bisa ngeukeuhan pasini. Kajongjonan ngantep haté liwung kapidangdung. Hanjakal, urang ukur papada nganti kasurti. (EB)
  1. Meubeutkeun simpé mangpéngkeun katineung. Bulan remek jeroeun sirah, ukur rénghap. Tiktek jam murubutkeun zikir jeung cisoca. (EB)
  1. Lambak talaga téh geuning lambak anjeun. Sesa haté nu teu tengtrem. Dina leunjeuran haur karempan. Cireumis maseuhan pipi katineung. (SB)
  1. Saena mah kasono téh mending palidkeun. Da parahu nu kungsi dipaké lalayaran moal rék kapalang héman, ngabalayarkeun rusiah duaan ka pangjugjugan kalbu.(DH)
  1. Ibun téh apan haréwos, ngajirim jadi girimis, nanceb meneran haté, nu kaeurad ku pasini, sanggeus anjeun ngababakan, dina alas lelembutan.
  1. Ngepris ngagirimis wanci burit, pucuk-pucuk pines tingarulang, gugupay peuntaseun jalan, ngajak nineung nganteur teuteup ka jauhna.
  1. Silih sawang jeung langit nu rambisak, taya sasaha batur keueung padungdengan, keclak hujan tingarudat ngagulusur, népakeun bangbaluh kakangen.
  1. Dina asih tina gurat tapak ranggeuman cinta, ngeyembeng ngarembesan panon haté, sareupna léngkah mulang kebat ka mana, jumarigjeug nikreuh ka tonggohkeun.
  1. Néang sugan jeung sugan pameunteu asih, mapag ku imutna satia nganti, pangjugjugan sagala tresna, paadu keukeup ngahiji rasa dina simpéna peuting.
  1. Ku tingtrim éta hariring, lir angin nu ngaharéwoskeun lagu asih, asih nu tumuwuh ‘na palataran implengan, lalaunan rasa lewang narémbongan.
  1. Pangnepikeun deudeuh kuring, ka layung tukangeun gunung, pangdalitkeun asih kuring, jeung dalingding kembang asih, ‘na hariring puputon tresnaning ati.
  1. Geuning béntang paanggang jeung cahayana, geuning bulan paturay reujeung hibarna, duh Gusti Nu Kagungan mangyuta tresna, perenahkeun na implengan anjeunna.
  1. Naon deui nu rék digurit ku urang ‘na tungtung langit, sanggeus béntang nu tingkaretip nungtut laleungit, lir angin jeung hiliwirna, antara subaya jeung cidra.
  1. Lagu katresnan nu dianggit handapeun bulan, ngawujud jadi galindeng cinta waas, laut kidul nu digurit lebah mumunggang, ngajirim jadi galura nu motah.
  1. Sakapeung mah angen-angen sok hiber ka jauhna. Bet nyipta-nyipta salira jadi kalangkang sorangan. Ka mana kuring ngaringkang, nya di dinya salira nyampak.

(Sugan engké aya terasanana)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...