Bagikeun ka Lapak Facebook

Warta SundaRebo, 31 Oktober 2012 20:09

Pikeun Ngungkulan Macét

Jokowi-Héryawan Sapuk Muka Jalur Busway DKI-Bekasi

Ku Amra Iska
SN
Gupernur DKI Jakarta Jokowi patepung jeung Gupernur Jabar Ahmad Héryawan. [Potret: Istiméwa]

(SundaNews, Bandung) Poé Rebo (31/10/2012), Gupernur DKI Jakarta Joko Widodo (Jokowi) ngahaja nepungan Gupernur Jawa Barat Ahmad Héryawan di Gedong Saté. Datangna Jokowi ka Bandung téh rék ngajak gawé bareng dina sawatara hal. Utamana sual tarékah ngungkulan banjir, sasadiaan cai nginum, jeung pasualan transportasi.

“Kami tos patepung sareng Bapa Gupernur Jabar. Cindekna, kami ngajak gawé bareng dina perkara nu leuwih nyata, action. Sabab, ari nu sipatna rarancang mah éstuning seueur kacida,” cék Jokowi, sakumaha diwartakeun ku detikbandung.com.

Husus pikeun haliah transportasi, boh Jokowi boh Héryawan sapamadegan, yén DKI jeung Jabar téh geus ngahiji. Cindekna, unggal poé aya 2,2 juta urang nu lar-sup DKI-Jabar. Mana remen macét gé, boh di Jakarta boh di Jabar, atuh pantes baé. Ku kituna, éta dua pamingpin Provinsi téh sapuk pikeun néangan cara pikeun ngungkulanana. Salah sahijina rék muka jalur Busway Bekasi-Jakarta.

“Usaha pikeun ngungkulan macét téh nyaéta ku ngawangun Busway Bekasi-Jakarta. Saterusna, kapayunna, jalur Busway baris diwangun ka wilayah-wilayah  tapel wates Jakarta kayaning Dépok sareng Bogor," cék Héryawan di Gedung Saté, Jalan Diponegoro Kota Bandung, nalika jumpa pérs bareng jeung Gupernur DKI Jakarta, Jokowi.

Pikeun ngalaksanakeun éta paniatan, pamaréntah DKI Jakarta butuh waragad leuwih-kurang Rp. 50 milyar. “Waragad sakitu téh kanggo haltena wungkul. Kandaraanna mah, utamana nu ti Jakarta, tos sadia 700 unit," cék Kepala Dinas Perhubungan (Kadishub) DKI Jakarta, Udar Pristono.

Anapon panjang jalan koridor Jakarta-Bekasi téh nyaéta 7,968 kilo méter. Di wewengkon Jakartana wungkul 7,168 kilo méter, ti Terminal Bus Pulogadung tepi ka Batas Tugus DKI-Bekasi.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...
SN

Rebo, 28 Méi 2014 00:56

Puan Maharani: “Tim Suksés Jokowi Moal Kapancing Kampanye Hitam”

(SundaNews, Jakarta) Sanajan ngaku diserang  ku kampanye hitam, tim suksés Jokowi-Jusuf Kalla (JK) nyebutkeun...